大生銀行家族成員馬清偉的太太馬薛芷倫（Fanny），昨日與黃毓民主持商台節目《毓民星期天》，大談對友情的看法。
Fanny在節目中說：「以前有好多人我當做交心朋友，我諗呢啲係我一廂情願嘅睇法，到人生低潮時候，呢啲人未必會喺你身邊，或者為咗八卦，轉頭將啲說話周圍同人講。俾人出賣會好hurt，不過會幫到我成長，學精啲，反而平時好少見嘅朋友會講啲關心說話，先知道邊個係真正朋友。」
對於與夫婿馬清偉是否交心，Fanny說：「當然係交心朋友，夫妻之間永遠係信任同冇條件付出嘅，仔女更加冇條件，血濃於水，係一生一世，而夫妻可能有第二啲因素。父母對仔女做錯事會原諒，至於夫妻之間做錯事會唔會原諒，呢啲係睇個人。」
採訪：JessicaNgan、RitaLeung
攝影：ChenWaiOn、WongManShing