溫碧霞、黃寶瑤、周汶錡、黎淑賢和徐子淇昨日行天橋，她們分別穿上以海、陸、空做主題的服裝出場。溫碧霞的露肩長裙可能不太合身，令她露出胸圍扣，不過溫碧霞毫不介意，並說只要靚就沒問題。
溫碧霞（Irene）、徐子淇、黎淑賢、周汶錡和黃寶瑤昨日在大埔出席「新鴻基夏日沖天海陸空2002開幕禮」，演繹以海、陸、空為主題的時裝。眾女分別以不同主題的性感服飾出現，令在場觀眾看得目不暇給。
現場以Irene最搶鏡，她出場時穿上一件露肩的開衩毛毛長裙，媚態盡現，但可能不合穿和毛毛太重的關係，竟令到Irene春光乍洩，背部露出肉色的胸圍扣，Irene只好不時將衣服向上拉。
事後問Irene可知自己走光？她說：「係咩？我唔知呀！我打晒底㗎啦，靚咪得囉。條裙好靚呀，我都好鍾意，不過可能啲毛毛重嘅關係，所以條裙向下跌，我都已經成日拉番上啲，其實我都唔算係最性感嘅一個，我條裙咁長，最多布㗎。」
而黎淑賢穿上超低腰短裙，露出了少許橙皮紋，她說：「我都未試過着咁低腰嘅裙，下身嚟講算係我最性感嘅一次，不過生完仔之後就有啲紋，好彩都唔係好覺，我都安慰啲。」
徐子淇則表示現已努力減肥，她昨日說：「其實我比上次已經瘦咗㗎啦，我到九月先會走，我呢兩個月接咗好多嘢嚟做，已經夠我用一年嘅零用錢啦！」
周汶錡對於自己所穿的水中美人魚裝十分滿意，但她笑言：「靚就真係好靚！但係好似性感咗少少啫。」
此外，時裝表演完畢後，陳冠希就舉行簽唱會，他甚受現場的小朋友歡迎。
採訪：胡比 攝影：黃文成