就霆鋒近期負面新聞多多，本報昨日在旺角進行街訪，家長都認為偶像的言行對小朋友會有負面影響。
帶着一位七歲兒子的李小姐 ：我知佢之前單「頂包案」，但係就唔知佢打記者嘅事。其實影響梗係有，小朋友見到後如果覺得佢好型，咁可能會跟住做。但係我個仔太細，重未迷偶像，但如果睇電視，都會同佢講啱定錯。
二十二歲周先生 ：我都有留意佢啲新聞，但係唔會理，佢啲歌好聽咪得囉！身邊有朋友都鍾意謝霆鋒，但係佢哋都話一樣咁鍾意佢，覺得佢型同靚仔喎！
帶着十歲兒子的黃生 ：有好緊要嘅影響，佢擺明唔守法，法律當然要遵守，佢咁會搞到法律亂晒，政府咪不得了？我會畀個仔崇拜偶像，但係會教佢分清楚是非，會同佢講明星都係人之嘛！
二十歲大學生江小姐 ：我冇乜留意佢啲新聞，但知知哋發生乜事。本身自己都有鍾意偶像，我覺得冇所謂，有才華就支持。但係佢發生咁多負面新聞，都唔會覺得佢特別型仔。