陳奕迅 ：當時我去到已經見到霆鋒同個記者喺門口傾緊偈，我都覺得奇怪，點解佢哋喺街做訪問，不過唔覺得雙方有火藥味，總之唔關我事嘅嘢我唔會理。其實嗰本係乜嘢周刊大家都好清楚，而霆鋒嘅心情都冇乜嘢，希望大家唔好將件事搞到咁大。
陳文媛 ：我冇睇報紙唔知詳情，不過做嘢時碰撞難免，無論係咪公眾人物，言行都要自制。
英皇三小花 ：我哋都好關心霆鋒呢件事，大家係公司同事，對佢嘅性格都好認識，知道佢係唔會出手打人，可能係當時人多迫迫吓，發生誤會啦！
何韻詩 ：又乜事呀？都叫佢飲多啲涼茶啦，少年人心火盛。佢應該慣啦！我冇嘢好講。
陳冠希 ：我啱啱知道呢件事，當晚我冇去到，完show後要去錄音，本來前日約佢食晏，但霆鋒放咗飛機。成件事要問番當事人，但我唔信佢咁做過。識咗佢五年，未見過佢打人，玩就有，件事應該冇咁嚴重嘅。
陳小春 ：霆鋒涉嫌打記者呢件事同我無關，所以我nocomment！不過我認為呢件事一定要查清楚，唔係對任何一方都唔公平。我重申同霆鋒完全冇嘢，係你哋一廂情願啫！