終於收到中銀招股書，急急翻閱，除咗財務資料，書中披露中銀總裁劉金寶月薪係二十三萬五，當然未計其他福利。劉總裁地址亦公開，就係半山梅道一號之Mayfair。
以內地水平，月薪二十三萬五係天文數字，但以香港銀行界計，真係好低，可能不及一個高級經理；同劉金寶同級之本地銀行家，起碼年薪一千萬，難怪中銀主動公開此一「私隱」。八方前兩日同高官食晏，談到公開上市公司董事薪酬阻力大，八方話滙豐都公開啦，高官笑謂：因為滙豐人工低嘛。
講番中銀，佢哋今次上市，俾交易所問咗五百條問題；高官話，以保障小股東計，問五十條乜都夠；唔怪得交易所成日話人手唔夠，亦唔怪得麗新遲咗四十幾分鐘至停牌都冇人理。
傳真︰2623-9278
電郵︰