今個暑期檔影片《慳錢家族》和《這個夏天有異性》等先後上映，論開畫票房，仍以鄭秀文（Sammi）主演的《我左眼見到鬼》成績最佳，前日開畫收二百二十萬，拋離楊千嬅主演的《慳》片過百萬。
由鄭秀文（Sammi）、劉青雲、應采兒和李珊珊主演、杜琪峰執導的《我左眼見到鬼》前日開畫，票房收二百二十萬，是今個暑期檔首日開畫票房最高的電影，力壓楊千嬅的《慳錢家族》及Twins主演的《這個夏天有異性》等暑期檔電影，《慳》片及《這》片的開畫票房均未能衝破一百萬元。
Sammi的片酬已升至五百五十萬元，但接拍《我》片時只收優惠價四百五十萬元，且以該片開畫票房之高，足證她與杜琪峰的組合有一定的叫座力。
身在外地的杜琪峰昨日在電話中說：「早排因為撞正四年一度嘅世界盃，令到暑期有幾部戲嘅票房都受影響，𠵱家我部戲開畫有過二百萬票房，已經比我預期好咗，我希望部戲可以收到二千幾萬。因為我唔喺香港，所以噚日（即前日）部戲開畫，都未了解到觀眾有乜反應。」
而應采兒與李珊珊昨日在灣仔出席一個美食節，為《我》片造勢，應采兒說：「今日聽公司講知道部戲收得，我都好開心。下個月中我就會去北京拍一部同古仔（古天樂）合作嘅戲，印象中佢都幾貪靚，每次見佢都set行晒個頭，佢話每日出門會預備二十分鐘整理頭髮。不過講到最貪靚嘅男演員，我就覺得係劉德華，因為佢好鍾意喺片場照鏡。」