老董成班新內閣入面，唐英年呢個禮拜就真係不在狀態，連續幾日「蝦碌」，重要係一單比一單大鑊：先係「烏鴉口」話失業率冇得跌畀議員炮轟、之後無情情又話肥佬黎「壹傳媒」係跨媒體；最大鑊係去立法會開會遲到，搞到主席范太要休會等佢。不過唐公子都唔係輸晒，起碼咁多單「蝦碌」都幫佢贏咗支紅酒！
話說唐公子開會遲到，同僚馬時亨安慰佢，話咁細單嘢記者唔會寫。點知唐公子就話一定有人寫，但阿亨唔信，重話要輸賭一支紅酒咁話。結果就梗係唐公子贏啦，但係好彩阿亨冇話到一間報紙登就賠一支酒，唔係就輸到入肉！
傳真︰2623-9278
電郵︰