星島老闆何柱國將《星島日報》私有化，然後將上市嘅星島集團隻殼，賣咗畀上海銘實業揸弗人姚原。八方前日睇到交易嘅通告，發現姚原入主後，搵一班猛人做董事，好似上海美亞集團董事長胡軍會做執行董事，上海美亞同李嘉誠嘅tom.com有生意來往。
而另一位猛人，就係光華新聞文化中心前主任江素惠，佢會做非執行董事。江素惠自從唔做主任之後，今年四月初搞咗間香江文化交流中心兼香積顧問有限公司，如願以償做其江主席。乜江主席又搞番傳媒？原來非也，因為星島賣咗盤之後，已經同報紙分咗家，集團變咗做地產為主。不過，江素惠同上海幫打得火熱，倒係有迹可尋，喺今個月初佢搞香江論壇時，就已頻頻向人鼓吹上海好，要去上海投資咁話，「江主席」返上海發展，掂梗啦！
傳真︰2623-9278
電郵︰