章小蕙的男友陳曜旻大前日向法院申請破產，債務纏身的章小蕙，昨日返回時裝店整理帳目，因本周五她必須償還二億五欠債。而陳曜旻臨去法國前，曾向兒子透露，行程不好玩會提早回港。
章小蕙男友陳曜旻（Edmund）九八年曾被裕泰興追討七百多萬的欠債及利息，事緣九七年他為女友章小蕙一筆六百萬的貸款做擔保人，而近年陳曜旻的經濟狀況一直欠佳，大前日他入稟法院申請個人破產，章小蕙日前更表示Edmund在港沒法立足，而上周一他已去了法國。
章小蕙雖然被裕泰興追債二億五千萬元，但仍無損其富貴生活。昨午五時許，章小蕙以一身名牌RomeoGigli黑T恤配藍白間條裙打扮，如舊乘坐Rover座駕，並由司機接送，返回中環時裝店打點，門外早已有近二十名記者守候。
章小蕙化上淡妝，依舊難掩浮腫的雙眼，她神情落寞地說：「我入面好多嘢搞。」問她現時心情如何，章小蕙說：「我入嚟做一陣嘢，你哋唔好影響我啲客，我真係冇嘢講。」提到陳曜旻申請破產一事，章小蕙均不作回應。
不過當記者提到陳曜旻亡妻鍾璧澤（Susanna）的母親指章小蕙「冇好帶挈」時，章小蕙即一臉不悅說：「你好囉喎！」她又隨即轉問記者今日日子，得知昨日是十三日，距離還債日期十九日（即本周五）不遠後，即時說：「十三號？係囉！砌數呀（整理帳目）！」其後她更謂想請記者飲奶茶，至七時許便離開店舖，接着便往買水果和甜品，還去做腳底按摩。
而前晚章小蕙出席中環一派對聚會時，當憶起陳曜旻的愛之誓言，一時感觸落淚。
此外，昨日陳曜旻亡妻鍾璧澤的母親鍾媽媽接受本報電話訪問，她說：「Edmund臨走前只係同個仔講話會去旅行，重話好玩就留耐啲，唔好玩就會返嚟。」
鍾璧澤四年前因癌病逝世，留下了千二萬的遺產，並成立了基金，讓她的母親及兩個兒子按月支取生活費。鍾媽媽在電話中說：「我𠵱家每月靠基金畀我嘅萬五蚊過日子，而兩個孫都係用媽咪嘅基金讀書同支付生活費，好彩個女識得儲錢，如果唔係我同兩個孫都唔知點算。呢幾年Edmund都冇乜畀錢我，只係新年嚟探過我，反而兩個孫就成日同我有聯絡，個大孫阿Jay同佢爸爸Edmund有好多分歧，已經冇同爹哋住。」
鍾媽媽指陳曜旻未變心前，對鍾璧澤很關心，縱使知道太太有癌病，亦細心照顧，醫藥費花了近三、四百萬，鍾媽媽說：「自從Edmund識咗章小蕙之後，先至會成個人變晒，呢幾年我都知道佢經濟唔好，之不過我個女都死咗咁耐，連個墓碑都未整好，我當然唔開心啦！今日重有報道話我個女生前簽咗唔少卡數，連累Edmund拖欠卡數，𠵱家我個女都死咗，根本死無對證，佢哋鍾意講乜都得，但呢個時候重講咁嘅事，會唔會覺得對死者不敬呢？」
採訪、攝影：顏英儀、陳月媚、馬啟然