喺今日嘅二手車推介中，標緻代理為大家帶來一部行車里數極低，兼且叫價甚為吸引嘅206CC人氣開篷小跑車；另外重有同樣備受用家追捧嘅307，以及二手市場極為罕有嘅406Wagon，價錢同樣吸引。而萬事得代理方面，亦為大家帶來兩部，行車里數極低嘅Tribute同Premacy，一樣係咁吸引㗎。
記者、攝影：黃凱穎
車輛提供：標緻—靈獅汽車（28663000）
萬事得—萬事得汽車（24186339）
引擎容積：1997cc
傳動：手波
顏色：紅
製造年份：2001年
首次登記年份：2001年
牌費：2002年10月
行車里數：6,002km
配備：電摺硬頂、合金胎軨、真皮座椅、原廠冷氣及高級音響。
短評：206CC開篷車形象突出，加上鮮紅色車身配襯，夠晒鮮豔奪目；而此車設備配搭齊全，真皮座椅承托力甚豐外，一套5前速手波配2.0公升引擎，可謂極富駕駛樂趣。
引擎容積：1997cc
傳動：自動波
顏色：綠
製造年份：2001年
首次登記年份：2002年
牌費：2003年2月
行車里數：6,960km
配備：合金胎軨、原廠冷氣、高級音響、天窗、桃木裝飾及雙安全氣袋。
短評：307係繼206之後嘅一部頂級小跑車，但乘坐舒適感會來得更好；加上一台2.0公升引擎嘅強勁動力輸出，從而予人有更佳之性能表現。
引擎容積：1997cc
傳動：自動波
顏色：綠
製造年份：2001年
首次登記年份：2002年
牌費：2003年1月
行車里數：9,193km
配備：合金胎軨、真皮車廂、原廠冷氣、高級音響及天窗。
短評：406Wagon二手放盤較少，而此車不但外觀保養得頗佳外，車廂設備齊全，就連機件狀態亦見不俗，表現有如新車一樣，加上唔到15萬嘅二手叫價，因而令號召力倍增。
引擎容積：2967cc
傳動：自動波
顏色：藍
製造年份：2001年
首次登記年份：2002年
牌費：2003年4月
行車里數：5,973km
配備：合金胎軨、天窗、霧燈、原廠冷氣、高級音響、真皮座椅及雙安全氣袋。
短評：呢部Tribute保養甚佳，狀態有如新車一樣；而一台3.0公升偈輸出強勁，加上一套出色嘅懸掛系統，不但有出眾嘅路面循迹性，亦能給予車上乘客有舒適嘅乘車環境。另外，極低行車里數加上吸引售價，更係其賣點之一。
引擎容積：1991cc
傳動：自動波
顏色：綠
製造年份：2002年
首次登記年份：2002年
牌費：2003年4月
行車里數：3,446km
配備：合金胎軨、天窗、原廠冷氣、高級音響及雙安全氣袋。
短評：此車出車只有三個月，行車里數僅為3,446km，兼且內外有如新車一樣，可算係其賣點之一；另外車廂空間充裕，乘坐舒適度十足，而一台2.0公升引擎，亦能為你帶來充裕嘅動力輸出。
據標緻代理嘅SalesManager張先生表示，所有經由佢哋出售嘅二手車，首先會到佢哋嘅維修部作詳細檢查，遇上有需要更換嘅零件及消耗品，便會即時更換零件及作出維修，以保持狀態有如新車一樣；故此當車主購買後，便毋須擔心車輛嘅維修問題。
至於保險方面，有好多車主會擔心206GTi嘅保費會否大增；而張先生指出，其實206GTi喺車輛型號上係寫上房車，所以唔會影響保費。以一位25歲嘅車主，擁有超過三年牌齡同60%NCB為例，全保約為三千多元，而206CC嘅全保則約四千多元；同時，若車主經由代理出保險的話，墊底費亦會較市面為低。