天氣咁熱，最好帶小朋友到沙灘或泳池玩餐飽，將汗水同活力在游水時發洩一下。除咗泳衣，不妨替小朋友購買一個水泡，游水游得安全，媽咪又可以放心！市面的水泡花款多不勝數，不過問到小朋友鍾情的款式，十個有九個都會答你是可愛的卡通造型，各位媽咪識做啦！
記者：區佩嫦 攝影：林栢鈞
ImageKid：Arnaud、Maisie
全條用軟身的發泡膠製成，浮水力高，綠色的頭部更設計成恐龍樣子，不過小記覺得近睇似垃圾蟲多啲，小朋友只要學巫婆騎掃把的姿勢，坐在浮水條的中央，便可以征服它。㩒吓垃圾蟲雙手，口部重會噴水，非常過癮！
尺寸：約10吋闊、49吋長
售價：$148（TheGadget）
嫌圓形的水泡無乜新意，呢個星形的水泡感覺又如何？Barbie星形水泡，全個粉紅色，夠晒嬌俏，水泡上更有太陽、手挽袋的公仔圖案，夠晒得意。
尺寸：約33吋闊、7吋高
售價：$59（LOFT）
小朋友年紀細細，還未學懂游水，媽咪又怕水泡箍唔實小朋友的話，呢個車形水泡就最啱啦！其外形夠晒趣致，車底設有可承托小朋友重量的膠布底，小朋友可以坐在車內，唔怕扶唔實水泡而沉入水中。只要踢動雙腳便可在池中飄浮，再加上可響號的軚盤，以及可防紫外線的車頂，過癮之餘又夠實用。
尺寸：約32吋長、22吋闊、23吋高
售價：$149.9（玩具反斗城）
想好似青蛙咁出水能游的話，不如考慮吓呢隻迷你青蛙浮床，其造型夠晒搞笑，而小朋友可以坐在青蛙的背部，優哉游哉地在水上暢游。
尺寸：約44吋長、30吋闊、16吋高
售價：$41.8（玩具反斗城）
小朋友對寵物有興趣的話，不如選擇呢隻浮水白馬玩具，其外形夠晒可愛，按着馬頭任何一個部份，小馬更會發出BB聲，有呢隻發聲小馬陪住游水，游都游得更加開心啦！
尺寸：約30吋長、11吋闊、24吋高
售價：$43.5（三越）
小朋友對游水抗拒的話，最好買個得意的水泡𠱁佢歡心，好似呢個潛艇水泡，設計夠特別，顏色又夠Sharp，在泳池中游水夠晒突出。
尺寸：約26吋長、20吋半闊、13吋高
售價：$13.8（玩具反斗城）
講到外形過癮，小記就推介呢隻趣致的恐龍水泡。大眼睛配上露出哨牙的恐龍樣，夠晒過癮，加埋水泡上的透明翅膀，小朋友見到，必定有一股衝落水的衝動。
尺寸：約31吋長、20吋闊、13吋半高
售價：$24.9（玩具反斗城）
小朋友開始長大，媽咪唔想佢游水太依賴水泡的話，不如選擇呢個屬Barbie系列的浮水咕𠱸，咕𠱸呈心形，可作浮板之用，咕𠱸上更有凹凸的圓形圖案，唔怕太滑跣手。
尺寸：約17吋闊、6吋高
售價：$35（LOFT）
玩具反斗城（27309462）
尖沙嘴海運大廈地庫032號舖
TheGadget（23779866）
尖沙嘴海港城2214-2215號舖
LOFT（29713831）
金鐘太古廣場西武百貨專櫃
三越（25765222）
銅鑼灣軒尼詩道500號