十九世紀，一個喺紐約街頭賣香腸嘅德國小販，為咗令顧客可食住熱辣辣嘅香腸時唔會辣親隻手，於是就諗出用開邊嘅長麵包將香腸包住嚟賣，當時呢啲叫〝redhots〞嘅，亦即係今時今日嘅「熱狗」。另一面，又有人話比呢個早多十幾年，就已經有個德國移民喺紐約街頭賣緊一種用麵包捲住香腸嘅食品，所以熱狗係由後者發明，就係咁，百多年來一切關於熱狗嘅歷史都有唔同版本，既然係咁，今日就由傳統德式到摩登美式兩種熱狗開始，去發掘佢嘅身世之謎。
記者：黃婉冰 攝影：伍慶泉
ImageKid：阮栢傑
熱狗令德國人為它瘋狂，連香腸亦唔例外。德國人食香腸鍾意伴醃製過的酸椰菜絲，酸味可以有助減輕油膩感及幫助消化，想知傳統德國腸有咩味力﹖今次就揀出其中五款最具特色的來介紹，來個初步了解。
法蘭克褔腸最出名又最長的一款，傳統有8至10吋長，腸肉由豬肉、牛肉和少許豬肥混合製成，豬肥可令腸肉入口更爽滑，味道較溫和，加上身形瘦削，很適合用來做熱狗。
在佳拿腸內加入瑞士大窿芝士，便成了這款芝士佳拿腸，腸肉由純豬肉做成，經過煙熏，煎香後芝士溶化，腸肉比普通腸變得更香濃，是香腸之中最濃味的一種。
身形肥大的牛仔腸，成份只得鮮嫩味淡的牛仔肉加入混合香料，是眾多腸中味道最清淡的一種，製成後會先浸熟，讓香腸可以保存得更耐，食時用扒爐焗熱便可。
龍堡腸向來是最受歡迎的款式，全因腸肉用新鮮豬肉製成，製成後沒有經過煙熏或浸熟等後期加工，所以適宜即製即食，將未熟的龍堡腸生煎，腸肉肉汁豐富，與其他腸截然不同。
熱狗腸即法蘭克福腸，是眾多熱狗腸的鼻祖，餐廳為配合這條特製的十二吋長熱狗腸，度身訂做同樣長度和弧度的鬆軟熱狗包，熱狗包一經烘過，變得外脆內軟，令熱狗入口更富口感。
維也納腸主要由豬肉及牛肉混合製成，為使香腸可以保存得更耐，做起後會先經過煙熏，食時再用水浸熱便可。維也納腸肉爽脆，同是做熱狗的最佳餡料。
電話：23151020
地址：尖沙嘴彌敦道50號金域假日酒店地庫一樓
座位：108個
營業時間：上午7時半至淩晨12時(餐廳)，上午8時至晚上9時半(外賣部)。
付款方法：現金及信用卡(Visa,Master,AE,Diners)
熱狗王足有12吋長，香腸是美國運來的牛肉腸，味道香濃，加入酸椰菜絲、酸瓜，再淋上BrownDevilSauce同勁辣Samson'sSauce，再加埋辣肉醬，又是另一種味道，辣肉醬需另加5蚊。
追求刺激熱辣感受，辣肉芝士腸會是最好的選擇。牛肉、豬肉、芝士辣味四合一，配以帶有清香果味的HP肉汁及茄汁，將芝士的油膩感降低，伴以辣肉醬，辣上加辣。
另一款少有之選─頂級雞肉腸，肉味較輕，帶有黑椒的香辣味，唔想過於濃味將雞肉味遮蓋，可揀適合雞肉的特色BBQ醬、芥辣，只作少少點綴，夠晒滋味。
電話：25372307
地址：中環德忌立街21號地下
座位：2個
營業時間：星期一至四上午11時半至凌晨1時，星期五至日及公眾假期前夕上午11時半至深夜。
付款方法：現金及信用卡(Visa,Master,AE,Diners)
追溯番熱狗嘅歷史，應該由一條腸講起，德國人話最初用嚟做熱狗嘅係法蘭克褔，奧地利人就話係維也納，咁究竟兩個版本邊個先係真呢?而熱狗呢個名又係邊個改嘅呢?同樣傳說多多，以下就列出唔同嘅傳說版本，等你睇吓邊個最有可能係真相！
傳說一：有人話熱狗腸係由一位居住於Coburg，叫JohannGeorghehner嘅德國肉販發明，當時佢創做咗一種外形同一種又長又瘦嘅德國獵狗好相似嘅香腸，起初香腸同呢種獵狗一樣叫dachshund、littledog，後來Johann將呢種腸帶入德國，先至用當地嘅城市名將香腸改名為法蘭克褔。
傳說二：奧地利的維也納人就話維也納先至係熱狗腸發源地，話說當地一個全國最大嘅香腸製造商做了第一條維也納腸，後來重將呢啲維也納腸帶入德國法蘭克褔，所以佢又叫呢種腸做維也納．法蘭克褔。
傳說一：一個卡通創作人叫TadDragon，有一日喺紐約街頭見到一個小販，正在叫賣一種用長麵包夾住dachshund香腸(同德國獵狗同名)嘅熱辣辣小食，當時好凍，小販一邊賣一邊叫〝They'reredhot〞，阿Tad見到之後就將呢個情景畫成漫畫，但又唔識串番個名，於是佢惟有簡單咁用〝hotdog〞去代表，就係咁「熱狗」呢個名就咁流傳到𠵱家。
傳說二：一位對熱狗有研究的歷史家Kraig，直指當年德國移民帶入熱狗腸之外，同時間帶入一種同呢隻腸好似嘅獵狗(dachshund)，而〝hotdog〞呢個名，只係當年美國人用嚟諷刺德國人帶入嘅狗好似香腸咁又瘦、又長、又細！
紐約每年都會舉辦一次食熱狗比賽，今年冠軍兼打破紀錄嗰位仁兄叫小林尊（左二），佢嘅成績係12分鐘食50隻半熱狗。
每年7月21日，美國都有國際熱狗日，當地人會大食熱狗，一個月全國就可以消耗數十億隻。
1950年，美國著名女演員，JayneManfield被選為國際熱狗大使。