被追蹤七個月拍到與宣萱玩狗
羅嘉良：一張相算係乜嘢？

羅嘉良婚姻亮紅燈，同時亦傳出他與佘詩曼及宣萱的緋聞，據今期《忽然1周》報道，羅嘉良與宣萱已秘密拍拖一年，二人去年底更被拍下在清水灣油站深宵玩狗的相片，宣萱亦承認與嘉良在拍劇收工後，確曾到油站買飲品。

羅嘉良（撈家）自於日前公開表示與太太方敏宜婚姻出現問題後，連日來涉及撈家婚變的嫌疑第三者，可謂日日新鮮，有宣萱、佘詩曼及唐思盈，但據今期《忽然1周》報道，撈家與宣萱已秘密拍拖一年，二人於去年十二月，更被拍下於清水灣油站玩唐狗的照片。

「去油站買嘢飲」
昨日記者致電宣萱，她回應有關報道時笑說：「好多人都係咁㗎啦，收咗工一齊去停車場攞車，去油站買杯嘢飲，咁係人都知我鍾意狗㗎啦，隻狗行埋嚟我摸吓佢，有乜咁奇怪？啲記者跟咗七個月都影唔到相，張咁嘅相就叫有嘢嘅話，分分鐘我有好多朋友都有嫌疑咯。」

「內文全部作嘅」
對於近期被指是撈家婚變的嫌疑第三者，她說：「唔係事實嘅嘢，你叫我點回應？」未知她近日曾否與撈家聯絡？宣萱說：「佢有打過電話嚟講唔好意思，其實都冇乜嘢嘅，啲新聞又控制唔到嘅。」
撈家昨日亦透過電話說：「一張咁嘅合照算係乜嘢？啲內文全部作嘅，唔係事實唔回應啦，但我好多謝佢哋跟咗我七個月，乜都影唔到，因為咁就證明我嘅婚姻問題與第三者無關。」
採訪：朱芷瑩