鄭秀文（Sammi）、劉青雲和應采兒等，前晚出席新片《我左眼見到鬼》首映禮，當她得悉好友許志安在另一電影宣傳活動上，呼籲大家去捧Sammi場後，即顯得十分興奮。
鄭秀文（Sammi）、劉青雲、應采兒和李珊珊主演的新片《我左眼見到鬼》，前晚在銅鑼灣舉行首映禮，陳穎妍、劉綽琪、陳霽平和陳伶俐等均有捧場。
在首映禮舉行前夕，碰巧電影《三個兩兄弟》亦舉行煞科宴，有份參與演出的許志安、EO2兩位成員及新人鄧肇欣等一同到尖沙嘴晚膳，提到有報道指鄭秀文的片酬高達五百五十萬，身為好友的許志安說：「老闆出得起錢，你諗吓值唔值？唔知買飛入場睇完咪知咯！最緊要好唔好睇。」問安仔為何落力幫Sammi做宣傳，他說：「因為我右眼冇得睇！」
其後記者在《我左眼見到鬼》首映上，向Sammi提起許志安大力推介Sammi新片一事，她即開心地說：「大家支持吓啦，我開心係希望大家鍾意套戲，導演杜琪峯話票房嘅嘢留番電影公司去理。」
對於片酬被指高達五百五十萬，Sammi則說：「呢啲係外間忖測，從來冇人由我把口同唱片公司度講出嚟，我永遠唔會去證實，片酬對我嚟講唔重要。」Sammi和劉青雲前晚亦即席打爛一個四千萬字形的冰雕，寓意《我左眼見到鬼》的票房可以打破四千萬。
此外，應采兒表示近日要為即將與古天樂（古仔）合演的新片減肥，兩人可怕因為合作傳緋聞？應采兒說：「公司成日想塑造我係玉女，但係肥肉嘅肉，我成日打古仔，而且佢唔係拍緊拖咩？我睇雜誌話㗎。」問應采兒可覺得合作過的男演員如劉德華符合其擇偶條件時，應采兒竟衝口而出說：「年紀唔啱。」
採訪：馮美茵 攝影：馬啟然