又係到咗本周行超市好介紹，小記今日要帶大家行嘅係吉之島超市，有乜好介紹？除咗有平日精選嘅特價貨品之外，現已開始至七月二十四日，全線吉之島內更有美國食品節，所有嚟自美國嘅食品均大平賣，雪糕買一送一；金寶湯每罐唔使七蚊；鍾意食薯仔嘅話，唔同種類嘅薯條、薯片任揀，重有特色水果美國西北金車厘子亦率先喺吉之島出售，勿失良機，本周必要到吉之島逛逛。
記者：陳冰麗攝影：黃子偉Model：Rayleigh
炎炎夏日食番啲透心涼嘅雪糕簡直係人生一大樂事，鍾意食雪糕但又怕肥嘅女士，TCBY一系列低脂雪糕就至啱閣下，有綠茶、呍呢拿果仁、草莓芝士味等等供選擇，家陣重好抵食㖭，買一盒送多一盒，每盒即只係一半嘅價錢，二十零蚊，咁抵重唔啲入定貨。
$45/473ml
TCBY另一款抵食之選──高鈣雪糕，畀小朋友就至啱，雪糕中含鈣，有助骨骼嘅成長，小朋友扭計要食雪糕，父母又擔心雪糕無益，食呢款高鈣雪糕就唔使咁煩，至少佢加有鈣質，食起嚟都較有益呢，有士多啤梨、芒果濃情、碎朱古力任揀。
特價$29.9/750ml
原價$45/750ml
走高格調路線嘅Haagen-Dazs雪糕，雪糕質素無疑係軟滑好味，而且款式又夠多，最近更新推出一款濃情朱古力味，鍾意朱古力嘅必要試試，朱古力味特濃。平時一盒Haagen-Dazs雪糕要五十零蚊，適逢家陣做緊美國食品節，Haagen-Dazs各類雪糕，包括百利甜酒、菠蘿椰子、草莓芝士等及新口味濃情朱古力味在內，全部四十蚊盒有找，認真超值。
特價$39.9/474ml
原價$57.8/474ml
除了美國食品節之外，吉之島更有多款飲品做緊特價，入定啲貨放喺雪櫃，隨時消暑。
汽水係唔少人作為炎夏嘅消暑飲品，如果閣下係飲開健怡百事可樂，咁就有你着數，家陣八罐裝都唔使十八蚊，比原價足足平咗十五個零，飲晒可樂嘅話不妨即刻入貨啦，咁抵唔係成日有㗎！
特價$17.9/8罐
原價$33.6/8罐
唔鍾意飲汽水，介紹另一款有益健康嘅同治堂飲品畀大家飲，新推出無耐大支裝1.5公升，更加迎合大家需要，而且味道更多元化，有夏枯草、雞骨草等，天時暑熱飲佢，有助消暑清熱，成家都啱飲。
特價$17支
原價$20.9支
天氣愈嚟愈熱，飲品流失自然更快，趁超市做特價，入定多啲飲品作為不時之需至係明智做法。紙包裝維他檸檬汁可以話係經濟之選擇，特價咗每包都唔使兩蚊，招呼朋友飲都抵啦！
特價$10.9/6包
原價$20.3/6包
呢款飲品一望就相當吸引，是以熊仔及兔仔為造型，再配上一條繩，方便可以作為水壺孭上身帶出街飲，飲完內裏嘅飲料後又可循環加入自備嘅水或飲品再用。細樽容量250ml，大樽容量400ml，有橙汁、黑加侖子汁、芒果、荔枝四種口味，味道均好清，唔太甜。
特價$5.9細原價$7.2細
特價$7.9大原價$9.5大
呢款新推出嘅樂天飲品，非出自日本，而係韓國製造，所以價錢較經濟，現正特價，更加抵飲，除番每包都唔使兩蚊，禮盒裝每包容量190ml，細細包最適合小朋友飲，有提子、橙汁兩種口味任揀。
特價31.8/16包
原價$36.8/16包
平時無時間煲湯，返到屋企又想飲吓湯，一罐金寶湯可解決閣下嘅需要，只要將其加熱後即可以飲得，重有多種口味任揀，鍾意清清哋可以選擇忌廉蘑菇或雞茸粟米湯，想濃味啲，飲羅宋湯，緊有一款啱閣下，平時一罐14.5安士裝金寶湯唔使十蚊，家陣兩罐十四蚊有找，買得多，慳得更多。
特價$13.9/2罐
原價$9.9罐
清雞湯可以話係主婦嘅好幫手，煮粉麵、燜煮餸菜習慣加啲史雲生清雞湯吊味嘅話，大可以考慮吓是否係時候又要入定貨，因為一公升裝史雲生清雞湯現正特價，$29.8有三盒，比起平時原價時要十零蚊盒，呢個價確實係抵，要買好趁手啦！
$29.8/3盒
做緊美國食品節，當然唔少得以美國薯仔做成嘅即食食品啦！
當中包括有扭紋薯條、連皮薯角、連皮粗直薯條、格仔薯片、炸薯棗、有坑直薯條等等，有咁多種唔同Size及形狀嘅薯仔食品，實行可以滿足到唔同人嘅需要。
$4/100克
美國盛產車厘子，現時可以話係車厘子嘅盛產期，喺吉之島內就已經可以搵到兩款分別都係嚟自美國西北部嘅金車厘子及紅車厘子，前者重係暫時只有超市至有，食味較紅色車厘子清及爽脆；而後者則亦非平時見到嘅紅車厘子，其色澤重要深紅，食味更甜，Size更大粒，所以售價比一般所見略貴少少。
金車厘子$9/100克(左)
紅車厘子$26.9磅(右)