楊其龍前晚往蘭桂坊出席電影《黑超特警組2》宣傳活動，問到前女友何超瓊與何柱國傳緋聞時，他表現冷淡，表示不相信二人拍拖，更以賭王何鴻燊金句自嘲自己質地差，所以怕見家長。
楊其龍（Gilbert）、任達華、王敏德、周汶錡和時裝設計師范玖裕等前晚往蘭桂坊「TheMusicRoom」，出席電影《黑超特警組2》的宣傳活動。大會即場頒發「最具魅力男士」獎予Gilbert、任達華、王敏德和范玖裕，楊崢任頒獎嘉賓，而「願望成真」大使周汶錡則在場募捐。
Gilbert對於最近有傳其前女友、賭王何鴻燊千金何超瓊（Pansy）與已故慈善家何伯的長孫何柱國拍拖，他冷淡地說：「呢啲唔關我事，我同佢（Pansy）好少聯絡，佢嘅私人生活，我無謂介入。」
問Gilbert自從Pansy與他分手後，似乎沒有新戀情，Gilbert語帶暗示地說：「可能有你哋唔知呢。」Gilbert又表示不相信Pansy與何柱國相戀，他說：「佢（何柱國）同我爹哋（楊受成）好熟，我有機會會問吓佢。不過我諗佢哋唔會拍拖，佢哋識咗好耐。」
早前有報道指Gilbert往意大利探望女友Ambra和她的父母，Gilbert笑說：「女朋友喺意大利，不過我冇見家長，一見就唔批准㗎。」記者追問為何「一見就唔批准」？Gilbert以當年賭王何鴻燊批評他的金句自嘲：「我質地唔好。」
此外，昨日有報道指於大坑道租住一單位的Gilbert被業主入稟追討逾二十二萬元的八個月欠租，及要求交回單位，對此Gilbert昨日在電話訪問中說：「我同喺英國住嘅業主傾掂咗，因為嗰度冷氣又嘈、牆又剝落，我要求佢修葺吓，佢應承咗不過冇做到，我咪冇交租，誤會嚟嘅，佢話會取消入稟狀。你哋唔好咁緊張，我唔係連幾個月租都交唔起。」