周星馳（星爺）的一班師兄弟近日忙於為廣告挑選靚女啤妹，但星爺昨日則私下和兩位美女在中環藝穗會消遣，他表示並非物色廣告女角，只是和朋友見面，更強調是普通朋友。
周星馳（星爺）昨日和兩位美女及一名外籍男士在中環藝穗會現身，周星馳最近接拍了全新一輯生力啤廣告，而他的一眾師兄弟陳國坤（小龍）、田啟文（田雞）和林子聰（肥仔聰）更四出物色廣告女角，但星爺強調昨日並非出動「獵女」。
星爺說：「呢兩位都係我嘅朋友，佢哋有自己嘅工作，我哋識咗好耐，係普通朋友，大家飲嘢傾吓偈啫！獵女呢啲嘢冇我份，係小龍、田雞同埋肥仔聰負責，我信得過佢哋嘅眼光！」記者稱最終決定其實仍由星爺負責，對此他說：「都係嘅！條件都係青春活潑咁上下啦！」
與星爺合作拍攝廣告的其中一位啤妹陳文靜稱星爺是她的偶像，日前她接受本報訪問時，更表示拍攝時經常偷望星爺，星爺聞言說：「冇喎！係我偷望佢哋啫，又唔覺佢哋偷望我喎！」此外，網上有消息指星爺原本接拍《大腕》導演馮小剛的新片《天下無賊》，不過計劃卻胎死腹中，星爺說：「其實之前都從未落實過會拍呢套戲，主要係因為冇檔期。」
而前晚小龍和田雞到尖沙嘴的StationPub為生力啤廣告物色女角，酒吧有約四、五十位客人，最後兩人揀了五女一男，參與下月三日的決賽。
採訪、攝影：汪正文