上任不久就搞出唔少蝦碌事件嘅新局長唐英年，昨日出席立法會竟然遲到，搞到立法會主席范徐麗泰要求中止會議，等唐局長現身。
說時遲那時快，遲到五分鐘嘅唐局長已急步趕到，重一路行一路話「我錯，我錯」。嗰陣啱啱午飯時間，議員三十幾人上咗立法會嘅宴會廳食飯，等唐局長等吓先囉。
另一個局長馬時亨就精過龍，前日喺立法會坐咗六粒鐘等答問，點知個會最後未傾到佢嘅議題。而重未上任嘅何志平亦有蝦碌，皆因佢幫港台麥志堅寫求情信，似乎難免有啲尷尬，八方打聽，原來封信係舊年六月寫，當時都無諗過會做局長。
傳真︰2623-9278
電郵︰