運動總給人一種粗魯嘅感覺，不過當然亦有例外，滾軸溜冰集運動、舞蹈、音樂於一身；試想像一下，隨着美妙的音樂，如天鵝般翩翩起舞，愛美又想運動的年輕人就最適合不過。
其實要掌握滾軸溜冰基本技巧一啲都唔難，𠵱家就等香港最佳花式滾軸溜冰女子運動員吳家寶教大家嘅滾軸溜冰入門技巧啦。
一般人對滾軸溜冰都有唔少疑問，𠵱家就等家寶為你哋解答：
Q ：玩滾軸溜冰係唔係成日受傷？
A ：其實參加每項運動都有機會受傷，只要之前做足安全措施，就會減低嚴重受傷嘅機會。
Q ：喺香港邊度有得玩滾軸溜冰？
A ：通常大型公園好似維園、摩士公園、九龍仔公園都有公共溜冰場，不過行人路就太危險，所以千祈唔好試。
Q ：滾軸溜冰應該幾時開始學？
A ：如果花式滾軸溜冰，最好係十歲之前開始學，速度滾軸溜冰就講求體能多啲，年紀大啲開始學都冇問題。
Q ：花式滾軸溜冰難唔難學？
A ：花式滾軸溜冰會分布、銅、銀、金章等不同難度證書課程，初學者最好由布章學起，通常學一個月已經可以掌握基本溜冰技巧，一年可以完成布章證書課程。
年齡：20歲 身高：5呎2吋
體重：108磅
就讀學校：港大社會科學系一年級
個人榮譽：02年全國滾軸溜冰精英賽女子青年組亞軍、02年香港滾軸溜冰公開賽女子組冠軍
圖：梁祖彝
文：盧漢傑
鳴謝香港業餘滾軸溜冰總會協助