江芷妮愛帽成狂，因她覺得帽子既能掩飾殘樣，又方便襯衣服，是遮蓋臉孔的最好裝備，所以她每年到日本旅行，總愛順道搜括靚帽返港。至今她在港、日兩地購買的帽子，數目接近四十頂。
江芷妮對帽子的確情有獨鍾，目前她擁有的帽子接近四十頂，計有牛仔帽、鴨舌帽、畫家帽及冷帽等，而她每年去日本旅行，掃帽更絕不手軟。
江芷妮笑說：「我覺得戴帽幾方便，有時冇化妝，戴頂帽就出得街，又容易襯衫，可惜香港唔興戴帽，所以通常要去利時或者金百利呢啲商場至買到，但啲款式多數都係cap帽，唔係有太多款揀，所以我次次去日本旅行，都會周圍買帽。」
在芸芸帽子中，江芷妮最愛畫家帽，她說：「我鍾意畫家帽，因為好有日本feel；cap帽就最好用嚟遮殘樣，可以遮晒成塊面；漁夫帽都靚，又係遮面嘅最好裝備，其實我屋企重有成十頂冷帽，不過收起咗冇攞出嚟。雖然我都買咗唔少帽，但價錢唔貴，平均都係二百幾三百蚊一頂，我覺得帽唔使買太貴嘅，除非自己好鍾意，至會間唔中買番頂貴嘅戴吓。」
江芷妮對做生意一向有興趣，但她卻不會考慮將來開帽子店，她說：「戴帽喺香港唔普遍，唔同日本吖嘛，有機會開舖頭嘅話，我都想做啲同扮靚有關嘅嘢，賣吓化妝品都唔錯嘅。」
採訪、攝影：朱芷瑩
髮型：ChrisfromTeteHairDressing