已故慈善伶王新馬師曾鄧永祥的長女鄧小艾，前日初為人母，誕下一個七磅九安士重的男嬰。
小艾前日入院準備分娩，約下午五時剖腹產子，母子平安。昨日記者致電小艾，她說：「見到個仔嘅第一眼，真係好感動，知道為人父母後，將來責任會好大。」問小艾為張文聰產子後，二人會否結婚？小艾說：「呢個問題我唔想講，我覺得兩個人喺埋一齊最緊要生活開心，同埋好好哋照顧小朋友。」
一直在病房中陪伴着小艾的張文聰昨日說：「我本身有一仔一女，今次已經係我第三次做爸爸。噚日醫生話畀我知，話小艾生嗰陣，攞BB出嚟時有啲問題，不過我同小艾見到個BB時，真係好開心。個仔會跟族譜改名，阿爸已經幫佢改咗名。」
而小艾的胞兄鄧兆尊與胞弟兆榮都曾到醫院探望，兆尊昨日在電話中說：「我去醫院睇過佢哋母子，小艾個樣都幾健康，我喺醫院見唔到張文聰，我只會關心佢兩母子。」
此外，陳寶蓮日前在上海誕下其第一胎，是一名男嬰，現時陳寶蓮已經出院。
今次陳寶蓮未婚懷孕，據知BB的生父是二十五歲的美籍華人，曾任職的士高唱片騎師，兩人早已分手。