近日有傳陳小春有意「翻兜」追求張栢芝，他昨日在電台的訪問中，公開為栢芝的情緒失控事件抱不平，勸栢芝放開一點，他還說曾透過朋友問候栢芝。而朱永棠前晚大爆小春日前生日時，他曾在酒吧開解小春，但小春否認其事，更即場要朱永棠過來對質，場面尷尬。
陳小春昨日接受商台節目《茶煲裏的查篤撑》訪問，被問到他為何這樣重視與張栢芝的戀情時，他顯得有點有口難言：「吓，呢個……我覺得冇必要同人分享呢啲嘢。」而當問到他近日有否問候栢芝時，他說：「正面冇問候㗎，基本上都好少撞到，但都有透過朋友問候吓嘅，我哋呢啲係低調嘢嚟嘅。」
在訪問中，小春亦有為栢芝近日的情緒失控而抱不平，他說：「係人都有惻隱之心嘅，但既然冇嘅話，你唔需要尊重呢啲人，轉咗我係記者我都會讓一讓，唔會死追爛追囉。其實有時唔需要夾硬頂住嘅，咪由得佢講，由得佢寫囉，你唔好理佢，唔好咁在意，有嘢問咪講囉，講完就收工，收工就唔好諗咁多啦。」
此外，陳小春、謝天華、朱永棠和鄭伊健等，前晚在無綫電視城為《超級紅人館》錄影。小春和朱永棠曾先後跟栢芝拍拖，而小春本周一（八日）生日亦到了朱永棠的酒吧慶祝，朱永棠謂近來小春心情不佳，故當日曾開解小春，但當記者向小春求證，小春即否認，並即時找朱永棠對質，小春大聲喝道：「開乜嘢解？」朱永棠立時支吾以對，現場氣氛一度尷尬，鄭伊健便調解地說：「宣傳啫。」
小春又說：「我好開心，唔需要人哋開解，我生日嗰日有人嚟影相，梗係有人報料。呢啲朋友真係要公之於世，出賣朋友唔可以同佢一齊，好似養條蛇身邊。