城中首富買亞視事件仍然係最多人講嘅話題，八方昨日遇上一直身在海外嘅亞視行政總裁陳永棋，問佢點睇交易作價。佢反應好強烈，猛話當然係「筍嘢」，若跟無綫比較，按現時無綫市值一百四十億元計算，亞視即使打三折也值四十二億元，但Tom買亞視股權，成間亞視估值只得八億元，即係五分之一價錢。
陳永棋又話「李生好精明，買得真係特別平」，佢自己就認為亞視至少應值五十億元，佢又重申同劉長樂、黃保欣三人合共持有亞視百分之六十七控制性權益，而且均無意減持。當然，佢歡迎李生加入為股東，希望可為公司提供一啲好意見，拓展業務和協助上市。
八方覺得，一場亞視控制權爭奪戰，已隱隱然揭開戰幔。
傳真︰2623-9278
電郵︰