揸住部手機，除了Send圖像短訊、下載歌仔同Logo外，重有乜新玩意？就係手機可以變成無線手掣，大玩電視Game。
記者、攝影：招佩珊
最近一間軟件平台服務供應商gowithyou，提供一個畀手機用家玩電視遊戲的網絡平台，當你去到已接駁了呢個遊戲平台的餐廳或Bar，購買指定飲品就可以免費得到一張遊戲卡，然後打通指定電話號碼及輸入印在卡上的遊戲編號，呢個時候食肆嘅電視機就會出現遊戲畫面。以其中一款遊戲跑馬仔為例，遊戲開始後，電視機會出現可以令馬仔加速的指令如「#4158」，只要用手機跟住指令㩒掣，隻馬仔就會跑快幾步，幾個手機用家可以同時一齊玩。
每張遊戲卡可以玩一次遊戲，暫時gowithyou設計了3款遊戲，包括跑馬仔、歡樂卡及名為歡樂Out消的問答遊戲。雖然遊戲卡只要買指定飲品就免費攞到，但由於係以語音指示玩遊戲，所以會用到閣下的通話時間，不過就無論用緊邊個台都玩得。