王子啱啱放咗個長假期，返到嚟真係唔多願郁，無王子喺度，係唔係八少好多嘢呢？近日若有留意「機場」，應該發現到有批曾經威盡一時的「絕世機王」落機呀8810，標價只係千二銀鬆啲，如果呢批係全新機，王子真係二話不說立即擁有佢，橫掂之前輸波都輸咗去啦。
之但係呢批機有啲可疑，唔知係唔係「鬼機」（即俾人做過手腳改動過），唔講配件得嚿單電，無免提耳筒同叉座，連皮套都無埋，最得人驚就係個機盒，盒面全白，完全無該品牌任何Logo，只係得張IMEI紙。王子八到，呢批機都唔係咁多水貨舖攞到，一眾街舖重話攞嚟炒㖭。
不過話時話，王子見番呢部經典嘅「絕世機王」，忽然發覺得三年前嘅設計係幾咁Trendy，真係新不如舊。