孫明揚真不愧萬能老倌，佢老兄噚日喺政府總部新翼同記者茶敍，雖然講明只係風花雪月，但係所有新知舊雨，即房屋beat同政制beat嘅記者都好畀面嚟晒，大大話話都有三、四十人。
孫公係問責官中最資深嘅，佢諗起初出道時去一個資深鬼佬官嘅歡送派對，當時個官笑言，做官好似「海上垃圾」，浮吓浮吓，卒之都會浮上嚟。孫公自嘲佢𠵱家如「垃圾」，應驗此君說話。
孫公家陣一身兼三職，到八月中放一個星期假，由何志平替佢。何志平咁新，唔怕咩？孫公哈哈一笑，解釋立法會都放暑假，何志平應該冇乜做，如果真係有人問房屋，咁咪叫何志平講吓拉小提琴囉。
傳真︰2623-9278
電郵︰