最鍾意揸住相機四圍影
林嘉欣被霆鋒叫自拍小姐

林嘉欣很喜歡攝影，她早前與謝霆鋒往法國拍電影《戀愛行星》時，每當導演一叫停機，便跟霆鋒四處找尋美景拍照，霆鋒還稱她「自拍小姐」。

林嘉欣對拍照的興趣十分濃厚，近幾年，她必定會帶着相機四處走，拍下喜歡的人和事。

稱霆鋒「自戀」
今年二月，林嘉欣遠赴法國與謝霆鋒拍電影《戀愛行星》，剛巧謝霆鋒亦是攝影愛好者，每當導演一叫停機，她便和霆鋒各自手執私伙相機，找靚景拍攝。
林嘉欣日前說：「嗰時霆鋒叫我做自拍小姐，但佢都好鍾意影相，我就嗌佢做自戀囉，其實影相係好好玩嘅事，有啲嘢用相去表達重直接。

望進修攝影
「不過我係亂影，見到啲靚嘅嘢、得意嘅就影落嚟，影相有好多樂趣，所以我個袋成日都會有部相機。如果冇相機喺身嘅話，啱啱見到一啲好靚嘅嘢，唔能夠即刻影落嚟，咁就實在太可惜啦。」
其實林嘉欣亦自知攝影技術不足，故她希望能多加進修，她說：「我有個諗法，但唔知公司准唔准，我想跟啲攝影師做助手，學吓打光同鏡頭嘅運用，我覺得上堂學嘅嘢未必可以即刻實踐，但一邊做一邊學，就會好快理解同進步。」

擁七部相機作品二千張
現時林嘉欣擁有七部相機，最貴一部是日本Victor數碼攝錄連相機，約九千港元。
林嘉欣拍下的照片作品，數目約達二千張。雖然她謂只是隨意拍下，但會記下拍每張作品時的心情及感覺，好等將來細細回味。
攝影：陳烱威
化妝：琪琪　服裝：I.T
髮型：IIColpobyKenjiNg　
採訪：朱芷瑩