幼稚園第一日上學，老師都會教導小朋友經常洗手，但原來大學醫學院學生第一課，大學生亦要學洗手：「好多學生其實都唔識洗手，好多人尤其唔記得洗手指公！」瑪麗醫院高級護士長程隸妍，加入感染控制組十七年，她指出醫護人士經常洗手，是防止醫院細菌感染重要一環。
當局八五年起於本港醫院成立感染控制組，研究如何減低醫院內的細菌量及細菌感染機會：「病人本身已經抵抗力低，嚟醫院係想醫病，唔希望反而感染細菌。」於是瑪麗醫院與港大過去十年亦開辦課程教授感染控制。
程隸妍於八五年成為瑪麗醫院感染控制組開荒牛，並負責教授醫科學生及護士生，第一課就是教洗手：「好多人唔洗手指公，感染學叫呢啲拇指現象，其實手指公經常接觸儀器同病人，清潔好重要。」她說：「洗手有口訣，手心對手心，手背對手心，手指縫，手指公，手腕都要洗。」
不過，她發現許多醫護人員都懶洗手，研究後得悉醫生護士每天平均接觸病人二十多次，若每趟前後洗手，需洗四十多次：「咁咪要洗個半鐘，重使做嘢！」該組發現醫護人員日常工作中，三分一的細菌感染性較高，包括接觸病人分泌、糞便及傷口等，遂鼓勵醫護人員「重點洗手」，優先於有關工作前後洗手，減低洗手造成的阻礙。
感染控制組成立前，瑪麗醫院院內感染率達百分之十四，前年已減低至約百分之六；感染組亦保障醫護人員職業安全，愛滋病猖獗後，引入新型針筒，只需按動自動掣，針頭自動脫落，不經人手，減低感染。
她坦承一般人對感染控制認識不深，但其實與一般生活息息相關：「廚師保持廚房清潔，都係感染控制。」美國九一一事件後，生化恐怖襲擊成為話題，碳疽菌更一度肆虐，感染控制組亦制訂醫護人員預防指引。
「我七九年升做護士長，一直都無機會再升，睇住其他人升，有少少挫折感。」直至加入感染控制組，有機會接觸研究、教學等工作，甚至到世界各地演說，終在十年後晉升為高級護士長：「有得升梗係好，有得加人工呀！」至最近更獲選為醫管局傑出員工。
記者：翁煜雄