【本報訊】「我喺上海從來冇去過呢啲地方，第一次去香港上海街嘅雞竇，重要偷影啲妓女，好驚呀！」學生到異邦修讀往往可體驗當地文化，由上海來香港理工大學修讀設計的李孟州，則藉着與本地同學合作探討上海街紅燈區，體會到東方之珠「綺麗」的一面。
首批二十四名到理工大學修讀學士課程的內地學生，經過三年學習後今年畢業，其中八人更以一級榮譽畢業，二十二人將繼續在本港升學或就業，打算在本地設計公司就業。二十一歲的李孟州來自上海同濟大學，在理大設計學系修讀環境設計，最難忘的是修讀第二年時與八名本地同學完成一份關於本地文化特色的功課。他笑言：「有同學建議去上海街做，我去到先知原來好多雞竇同霓虹光管，初時接受唔到，因為喺內地交功課點可能做啲咁嘅題目！」
他們於凌晨四時許到上海街，因為「嗰陣時最旺，條街好多雞」，他拿起攝錄記拍攝「街景」，「我都拍得好揚吓，一路拍一路好驚會俾人打。」報告最後更建議在上海街建設一條空中行人隧道。「因為除咗可以睇到咁多霓虹光管，重可以睇埋其他香港特色，就係僭建露台同埋天台屋！」結果這份功課獲B+級成績。
問及知否以「雞」形容妓女是較負面時，說得一口流利廣東話的李孟州也臉紅紅道：「我都知唔好，我都係喺上海街聽啲人咁講咋！」以一級榮譽畢業的土木及結構工程學系學生王蓓、同系的王雋及屋宇設備工程學系的諸寧則希望日後把在港學到的國際經驗帶返內地。