日本出產嘅富有柿，品質一向有保證，所以我認為價錢貴少少都值得，早前出現過一款新西蘭富有柿，我嘴刁嘅老公都話唔錯。畀佢知道最近又有日本富有柿現身市面，一定開心啫！皆因日本富有柿一向要入秋後至容易搵到，今勻提早見到佢，上星期初登場，賣$8個，價錢又唔算貴。今個禮拜更加抵食，二十蚊有三個。佢比新西蘭富有柿略大三分一㗎。
自從有咗細路之後，我肥師奶就注意到家居安全嘅重要性。所以買任何家居用品前我都會先考慮佢是否安全為上。
好似我今日要介紹嘅呢把罐頭開窿器，亦係多咗一層安全措施，喺利器嘅尖處多咗個彈弓圈圈保護，無論使用前或使用緊都無咁易被利器拮親手，安全好多㗎，日本人真係想得周到，只係十蚊把買個安全都抵啦！
文：肥師奶