喜愛彈琴讀書嘅環境運輸及工務局局長廖秀冬，辦公室擺設都文雅過人，既有蘭花、又有兩幅鉛筆畫，而且更掛上一對對聯，寫住「南國青峰競秀北天白雪耀冬」，嵌住「秀冬」兩字。
廖局長原來除咗愛彈琴之外，重鍾意畫畫，新辦公室內嘅兩幅鉛筆畫係佢老師送畀佢嘅，其中一幅係廖局長當年就讀之九龍塘小學嘅外貌，另一張則係香港大學外貌。
呢位環保局長，凡事都從環保的角度看，廖秀冬話佢平時最慳紙，用完底再用面，不過近來到政府開會或到立法會，發覺佢哋用啲紙鬼咁靚，覺得好肉痛。佢又話，都唔明點解辦公室內要鋪地氈，用地氈又要開大冷氣，好唔環保，不過既然政府文化係咁，都無辦法啦。
（圖）廖秀冬辦公室內一對對聯，嵌住「秀冬」二字。
傳真︰2623-9278
電郵︰