日產代理啱啱忙完新款March嘅Launching之後，嚟緊佢哋又有大Project喇！究竟係乜東東？咪係新款Elgrand豪華MPV囉！雖然早前佢哋畀水貨商飲咗頭啖湯，但據知仍有唔少車迷向佢哋打探新車嘅到港日期。而亞Mark最近打聽得知，話新款Elgrand快者可望於8月抵港，佢除咗賣相變得更前衞夠High-tech之餘，車廂重係三排七座位組合，勝在空間闊落又豪華嘛！設備除咗雙天窗、全真皮椅同雙趟門連左邊遙控電趟門組合外，車廂重有Walk-through嘅特性㖭！聽聞呢部新版Elgrand有咁多Up-grade咗嘅配備，但車價依舊賣41萬，睇落又真係幾吸引噃！