日本二十一歲水着女王小池榮子，出道四年終於憑其36F驕人身段殺出血路，榮登舞台劇第一女主角，可與井川遙平起平坐。
前日小池以主人翁身份，出席舞台劇《LiarGirl》的記者會，一身緊身開窿紅衣全場矚目。小池更透露舞台劇中她將會飾演「伯父」，她說：「最初知道有人搵我做主角，真係開心到個腦一片空白。套劇講我係一個一世勞碌嘅阿伯，一日飲咗支回復青春嘅藥水，成個人不但後生咗，重變埋做女仔㖭，劇情好搞笑。而我講對白都要學啲中年男人咁粗聲粗氣，好有挑戰。」
之後小池被追問她還有甚麼搵銀門路，小池說笑道：「我都有諗過做伴唱陪酒㗎，如果做到間Club嘅No.1小姐，好威㗎！」小池忽發奇想表示：「如果一日突然變咗男人，我第一時間去識女仔，同去色情卡拉OK見識吓！」令在場人士都取笑小池果真有做鹹濕伯父的潛質。
而有份演出此劇的男星Lasa-r石井，前日亦被小池電得暈頭轉向，因小池的手臂一直繞着他，說要從他身上吸收男人味！