瘋狂Fans鬧市偷海報
Shine勸歌迷勿犯法

男子組合Shine早前為《COSMOgirl！》雜誌拍封面照，其宣傳海報近日張貼在鬧市的巴士站，但日前銅鑼灣的一張海報遭人以𠝹刀偷走。Shine成員黃又南對此表示，偷竊是刑事罪行，着歌迷不要以身試法。

二人組合Shine最近為年輕人雜誌《COSMOgirl!》拍攝封面照，他們的宣傳海報更被張貼在港九鬧市的巴士站。可是大前日（八日）的晚上，銅鑼灣一個巴士站被發現遭人以𠝹刀偷去Shine的海報，在張貼的位置還清楚留下整齊的𠝹刀切口。

應循正途
其實早於本年一月底，該雜誌以女子二人組合Twins作封面，而放置了Twins宣傳海報的燈箱，亦遭人打爛及偷走海報。
對於自己的海報被偷走，Shine的兩位成員黃又南和徐天佑得悉後都很意外。黃又南昨日在電話訪問說：「海報俾人偷咗，偷嗰個人真係好犀利。不過，我係唔鼓吹歌迷咁做，因為偷嘢係犯刑事罪，希望佢哋下次唔好咁做，就算想得到我哋嘅紀念品都應用正確嘅途徑，如果去偷嘢就真係太瘋狂嘞。」

日內修妥
此外，《COSMOgirl!》的負責人Liza昨日接受電話訪問時說：「估計可能係Shine嘅歌迷做嘅，對於呢次海報被偷走，我哋都覺得好奇怪，但公司已安排咗聽日（即今日）派人去整番好。」
採訪：比華利