羅嘉良最近被傳與太太方敏宜婚變，而外間盛傳破壞他們婚姻的第三者，先後傳過宣萱、佘詩曼和模特兒Natalie，但昨日羅嘉良稱會努力挽救與妻子的感情。
羅嘉良（撈家）婚姻亮起紅燈，有說其婚姻出現了第三者，不過這個第三者最初說是宣萱，後來又說是佘詩曼，昨日又有雜誌指是余文樂前度女友唐思盈（Natalie）。Natalie是模特兒出身，不過羅嘉良表示並不認識N小姐。
近半年來，撈家與佘詩曼的感情很不錯，據知兩人拍攝《七姊妹》時已經互相有好感，女方更主動找男方傾訴。昨日撈家接受商台查小欣節目電話訪問，他希望不要把簡單事情複雜化，他表示：「我同太太雖然有問題，但希望大家畀番啲私人空間我同老婆去解決，𠵱家我哋已經好努力去挽救，所以唔想再搞咁多風雨，更加唔想拉啲識同唔識嘅人落水，我同老婆重未辦離婚手續，彼此都想挽救呢段感情。所以有乜結果，我會同大家交代。」
羅嘉良續說：「兩夫妻嘅感情出問題，好難同人講，因為家家有本難念的經，大家都係成年人，自然知道點樣去處理呢段感情，不過近期一啲失實報道，對我會造成滋擾，不過目前大前提都係先處理咗我同老婆嘅感情事。𠵱家有啲傳媒攞住張相就亂作，啲新聞係假嘅，我根本都唔識嗰個N小姐（Natalie）。至於宣萱我已經打電話同佢講唔好意思，我同宣萱關係情同知己，我和太太出問題可能因為聚少離多，因我工作太忙。」
昨午撈家往西貢接受《娛樂大搜查》訪問，之後他並駕着其Skyline跑車，到西貢墟一間茶餐廳吃麵，撈家說：「我覺得有啲傳媒喺度自編自導作古仔，所以唔符合事實嘅嘢，我唔會再作任何回應。我同太太亦已經好有默契，最緊要唔好再有任何嘢傷害我啲朋友同家人。」
此外，薛家燕昨日在旺角出席一個環保活動做宣傳大使，對於近日撈家被傳婚變，佘詩曼亦牽涉其中，薛家燕說：「可能只係佢同阿佘拍《七姊妹》時比較傾得埋，喺我印象中撈家好好人好顧家，佢老婆就賢良淑德。至於話阿佘嗲人，其實佢把聲係咁，眼好靚，感覺好似萬人迷，但其實都唔係嗰回事。」