陳冠希前日在台北回應跟鍾欣桐拍拖及與陳文媛（BoBo）復合的傳聞，他稱鍾欣桐是相識五年的朋友，沒有發展機會，而和BoBo則較多來往，但不肯回答兩人是否復合。
陳冠希（Edison）最近緋聞纏身，除與Twins的鍾欣桐（阿嬌）傳緋聞外，又有報道指他和陳文媛（BoBo）復合，現在Edison於台灣錄音，前日他在台北一間餐廳接受記者訪問時，表示與鍾欣桐沒有機會發展。
Edison說：「我嚟咗台灣六、七日，所以唔知呢啲新聞，有隻歌《有幾壞》係我同阿嬌合唱，我唔知係咪宣傳，都唔明點解逢親我有碟出或者同女藝人合作就有呢啲新聞。我同阿嬌識咗五年，我識佢嘅時候得十六、七歲，佢係我朋友嘅朋友。入行之後，我喺英皇駿景酒店見番佢，咁其他人都唔識，我怕寂寞咪同阿嬌傾偈！合唱係公司嘅安排，咁我同佢又熟啲，合作會好啲。我哋係朋友，我諗同佢冇機會嘞。」
至於和BoBo同遊日本，陳冠希承認早前曾往日本，但只為歌曲錄音，他說：「我哋冇喺日本見過面，我去日本係同一個外國歌手合唱，人哋鍾意寫乜就寫乜啦！」記者問他究竟是否和BoBo復合，陳冠希沒有回答，但顯得一臉無奈。
BoBo曾經稱Edison和阿嬌頗相襯，記者將此轉告Edison，他即時哈哈大笑，並說：「兩個都係朋友，但係我同BoBo就來往多啲。」記者問他是否和BoBo仍有交往，他說：「咁朋友梗係會傾吓偈㗎啦！」
記者蔡如玉、仇志德台北直擊