人物素描：
「甲蟲車」校長求公平看「公開」

香港人小覷自己，又添一例。香港公開大學校長譚尚渭說：「過去三年，我哋（公開大學）攞咗四個國際大獎，唔係巧合；一兩次可能會係巧合，但係有第三次、第四次，可以話係個個都認同。」
反而在香港，公開大學未有得到多大的重視。譚尚渭輕描淡寫地說，香港對遙距教育的看法「未咁普遍、未咁高」；但他強調，在公大取得學位的學生水平，「肯定相等於香港其他院校，一定有同等地位。」較早前他亦公開反對政府把公大「另眼相看」。

奪全球認同科技獎
「我哋唔會同哈佛比，唔會同史丹福、同劍橋比，大家有唔同使命；但喺遙距教育呢行裏面，我哋嘅國際地位好高。」尤其公大取得的「斯德哥爾摩科技挑戰獎」，更是全球認同、堪稱典範的大獎，而公大的電子圖書館亦令他引以為榮。
譚尚渭帶着滿足的微笑接受訪問，又特別向記者指出公大成功打開大陸市場，較本港其他八間政府資助大學及院校領先，「八間院校，冇一間嘅內地學生多過百幾二百人，就算海外去大陸嘅院校，講緊都係一百幾十人；我哋講緊係幾千人。」

「要做就要做到最好」
宣布將於明年退休的譚尚渭，每天朝九晚七工作，起床後先打太極和做柔軟體操一句鐘，中午或下班後會游水，生活健康，教旁人看不出他將屆六十八歲生日。
回頭看，譚尚渭認為自己一生平穩順利，中小學讀男拔萃，順利進入港大，在英國取得博士學位，然後在中大工作，一做三十年，離開前是中大副校長。
說到人生的憾事，他笑謂當然有，不過「唔記得喇，唔鍾意嘅嘢唔記得就算」。
「一個人凡事唔好強求，應該隨遇而安，但係要做就要做到最好！」他當年離開中大時已六十一歲，過了退休之年，「忽然間有人搵到我，我亦都嘗試吓」，於是便做了公大校長；明年退休時他六十九歲，但他說，如果將來有新挑戰，也會考慮。
不過，譚尚渭最深受大小朋友歡迎的，相信是他的古董甲蟲車，落地三十年的車子，現在連冷氣也壞了，但這位甲蟲車迷為免「拖冧車頭」，希望甲蟲再多活幾年，寧可不換冷氣，每月只帶它上街兩三次，也不敢隨意停泊在路旁；不過，每次上街都可令小朋友歡呼一聲「老爺車」！
記者：譚秀嫺