賭王何鴻燊四姨太梁安琪搞生意叻，除咗喺葡京有賭枱，最為人知曉嘅應該係開業初期要排長龍先有枱嘅「澳門茶餐廳」。八方聽聞，四太最近喺上環信德中心開咗間「大班芬蘭浴」，成日「過大海」去澳門賭兩鋪嘅人可能都知道，澳門已經有一間大班芬蘭浴，好出名，都係四太開嘅，有成十年歷史，走高檔路線，沖個涼要成千八蚊。
至於香港分店已經營業，但今個禮拜六先至搞開幕儀式，同樣係做高檔客。據說，四太諗到𠵱家流行Spa（香薰水療），所以新店都會用呢個做賣點，而且新張期間，重有折扣優惠，六百零蚊都有交易。
傳真︰2623-9278
電郵︰