胡經昌做議員咁耐，深明做騷宣傳之道，為咗幫自己做主席嘅香港舞蹈團宣傳七月二十六日公演之舞劇《水滸傳》，不惜粉墨登場，客串梁山泊天罡星三十六員中排第三、花名「智多星」嘅吳用。
呢齣戲非同小可，除咗有班舞技了得、獲獎無數嘅舞蹈員擔綱演出，重有張藝謀御用配樂師趙季平負責音樂編排。原來《黃土地》、《紅高粱》、《大紅燈籠高高掛》等電影配樂都係出自趙季平之手，配上加入現代舞元素嘅舞蹈，令人耳目一新。由於二十六號嘅首演門票收益會撥捐小童群益會，想做善事兼欣賞舞蹈演出，可以打呢個捐款熱線查詢：28532642。
（圖）胡經昌（後右二）在《水滸傳》舞劇客串料事如神的「智多星」吳用。
傳真︰2623-9278
電郵︰