新官陸續上場，接受立法會「洗禮」，噚日就輪到財經事務及庫務局局長馬時亨嘅「第一次」。呢位新丁雖然好識做，夥拍唐英年、葉澍堃齊齊請記者同議員食葡撻、椰撻、蛋撻，但係答問時，議員就一啲都唔留情，難怪馬仔笑言自己好似「考試」。
馬時亨噚日就支付前妻贍養費沒有稅務優惠答問，八方見佢一起身發言，好鬼緊張，讀完稿後，都唔為意自己要坐低，要勞煩旁人提點。
白鴿黨馬丁重幽佢一默，問政府唔畀稅務優惠啲支付贍養費嘅人士，係咪政府鼓勵港人唔好離婚。馬仔哈哈一笑，就話政府唔係咁意思，但佢笑言「個個唔離婚，個個都會好開心。」對於議員唔留手，馬時亨笑言：「無所謂，partofmyjob」。
但前綫何秀蘭就唔理咁多，晚上馬上發一篇新聞稿對佢表示遺憾，狠批馬局長欠缺人文價值，唔知咁做可能會導致更多家庭悲劇同社會問題，正式係商人施政！嘩，真係講乜都會錯！
（圖）馬時亨被議員質問係咪政府反對離婚。
傳真︰2623-9278
電郵︰