南非鮑魚出晒名，唔使我多講，今日則要介紹一款由當地出產嘅迷你椰菜，同平時所見略有分別，外形較嬌小玲瓏，比網球略細，色澤青綠，重比較皺皮，但皺皮得嚟又夠精緻。
一包大概半磅重，有四個迷你椰菜，平均每個五十克左右，雖然係略為貴啲，但勝在品質佳，清甜嫩滑，值得一試。
$24/包 city'super有售
呢排啲蟹就特別靚同大隻。雖然話黃油蟹開始當造，但黃油蟹要成幾百蚊一斤，唔捨得食嘅都覺得幾貴。
我肥師奶就捨黃油蟹而選擇買膏蟹，事關𠵱家嘅膏蟹一樣好靚。膏蟹呢個時間嘅膏特別香滑豐滿，買蟹時見到連蟹拑同蟹爪都泛紅色就係多膏嘅證明。
約$68/斤 各大魚檔有售
文：肥師奶