近年，家庭七人MPV市場競爭愈來愈激烈，先後有多款新車推出，並備受車迷追捧；最近福士車廠為預備加入呢個市場，亦以旗下Golf車系研製緊一部七人MPV，新車除視歐寶Zafira為敵外，而且更有望於今年嘅法國巴黎車展中亮相㖭。
從預想圖中可以睇到，新車會以快將推出嘅新一代Golf作為設計藍本，當中經過重新設計嘅車頭部份，就最能將呢個特點展露出來；另外，新車亦會以高頂形式出現，從而營造出一個寬敞闊落嘅車廂空間。同時，由於新車嘅軸距較普通嘅四門版Golf多出約100mm，再加上高頂設計，故此車內三排七位乘客，都能夠享受到舒適嘅乘坐空間。而引擎配搭及其確實名稱，則暫時未有呢方面嘅資料，日後若有最新消息的話，定會再為大家報道。