港股似乎行先過美股一步，前日唔升，因為預咗前晚美股散落去。昨日冇跟美股跌，又係預咗美股好番，亞洲區美股期指的確升番啲。
港股暫時仍然不脫反覆上落格局，個市要大升或者大跌都唔容易，唔適宜炒單邊市，只適宜炒range，急升之時咪追貨，低跌之時咪騰雞，實行低買高賣。
炒range其中1個辦法係低買恒指Call輪，有賺則離場。先一排最活躍嘅恒指Call輪9045，𠵱家由9174所取代。9174現價15.8仙，吼住喺14.5仙上車。
另1件恒指Call輪9201交投更為活躍，壽命長1個月左右，槓桿率更大，爆炸力更強，但喺買呢件當然要畀多好多嘅溢價，不若炒9174咁實際。
新地（016）企定喺62元，但隻Call輪9115則升14%。
9115重有1個月玩，現價28.5仙，溢價5%，槓桿率21.8倍，時間因素不多。同類輪9253比較實際，9月到期，現價1.01元，溢價1.7%，槓桿率6.1倍。
章盛