噚日第四屆「海外傑青滙中華」在禮賓府進行出發禮，目的為鼓勵華裔精英學生回中國尋根，體驗風土人情和現代化進程。呢班精英來自五湖四海，美國嘅哈佛、史丹福、英國嘅牛津、劍橋，重有中港台重點大學，每個人都有一大串獎項。呢二百四十七個未來華人領袖濟濟一堂，主持典禮嘅阿董都要逐一同學生傾偈。
八方同一啲學生傾過，好多都有興趣畢業後返大陸發展。其中來自美國喬治亞州大學嘅李路明係混血兒，十歲時去過大陸一次，淨係記得廁所喺地面挖個窿就算，非常簡陋。不過，佢主修生物同英文，有興趣研究傳統中醫藥。
另一位哈佛經濟學士吳俊偉，從未去過大陸，不過都覺得將來無論是否中國人，都要睇實中國發展。在新加坡出生的吳俊偉成績了得，四年都係攞新加坡政府的全額獎學金讀哈佛，所以畢業後要留在新加坡服務五年，再加年半嘅兵役先有望去大陸發展。香港想留住人才，係咪要向新加坡偷吓師？
（圖）來自美國的混血兒女學生李路明（左）和加拿大的梁怡中，要親眼看看中國的飛速發展。
傳真︰2623-9278
電郵︰