鄭伊健、蔡卓妍（阿Sa）、鄧健泓、廖碧兒及車婉婉等人，昨日到中環出席電影《我老婆唔夠秤》的拜神儀式。阿Sa表示於英國期間發覺伊健是一個小朋友，她說：「佢成日都話要去買玩具、買電話，由朝講到晚，佢重成日窒我㖭呀。」對於近日她及鍾欣桐（阿嬌）的緋聞，阿Sa說：「成日都係得啲字，又影唔到相，影到相先算啦，因為呢啲都唔係事實。」
而伊健認為當藝人的壓力甚大，他說：「其實做藝人賺錢比人多，呢筆錢可以話買埋我哋嘅自由。不過我覺得啲記者摷垃圾都幾好笑，下次佢哋應該影埋自己摷垃圾個樣。」而車婉婉則指其母現時負責管理一間餐廳的運作，她說：「你哋係咪要搞到佢冇飯開呀，佢𠵱家都係幫人打工咋。」
採訪、攝影：李珮洳