眾多問責局當中，個個都話房屋及規劃地政局最難搞，不過，地產界對由孫明揚出任該局局長就差不多一致叫好。八方噚日見到新鴻基地產副主席郭炳聯，佢就讚孫明揚係「沉實做嘢嘅人」。至於新問責制下，房屋同地政規劃都歸埋同一個局，郭炳聯就話集中一個人管晒，唔會右手唔知左手做緊乜，反而令地產商更易做，因為往時政府幾個部門都管地政，地產商都唔知聽邊個講。
講開地產，人人都話香港地產已不復舊時，所以地產商更積極北上，新地都唔例外。早排傳佢哋喺上海陸家嘴建地標商廈，噚日郭炳聯又話喺中山同廣州新機場附近有兩個住宅項目，其中中山項目，單第一期樓面面積已達四十萬平方呎。
傳真︰2623-9278
電郵︰