噚日傑出專業女性及女企業家頒獎禮，八方前幾日都同大家介紹過得獎者，噚晚見到一向低調嘅聯想執行董事馬雪征﹙圖﹚上台領獎。呢位女強人罕有咁講得獎感受，一於同大家分享吓。
馬雪征有乜咁巴閉？《財富》雜誌於去年十月選她為「全球五十大最有權力商業女性」榜的第三位，排名遠高於第三十四位的龔如心，成為「亞洲一姐」。噚晚佢上台時講流利英文，原來佢曾為鄧小平當過繙譯。佢話自己十二年前下海，當時可謂「唔知個海有幾深」，聯想老闆柳傳志重同佢講，有乜事都唔好周圍投訴，自己同自己投訴就算。不過經過多年努力，在二○○一年度馬雪征嘅酬金估計有成六百萬元，加埋持有嘅聯想股票，閒閒哋都有幾千萬身家。佢最感激老公同女兒，好體諒呢個咁忙碌嘅老婆同媽咪。
傳真︰2623-9278
電郵︰