鄭伊健與Twins的蔡卓妍（阿Sa）早前到英國四天，拍攝《我老婆唔夠秤》，戲中伊健與阿Sa飾演一對夫妻，主要講述兩人在倫敦邂逅的經過，而今次更特別請得在英定居的吳耀漢客串演出，在戲中他是伊健的心理學教授。
對於在英國拍外景期間，阿Sa表示有點不慣，她說：「我最唔慣英國嘅日長夜短，朝早四點已經日出，到夜晚十點重有太陽，感覺上工作時間好似好長，而且生活節奏又比香港慢，我喺香港忙慣，所以都唔係咁習慣。」
首次與蔡卓妍合作的鄭伊健則說：「我覺得同阿Sa合作好新鮮，佢都幾好玩，喺部戲入面，我係做一個年過三十歲，喺英國讀咗八年都未攞到大學碩士學位的男人，重要喺英國奉父母之命同十八歲嘅阿Sa結婚。」