王傑前晚在大學會堂舉行音樂電影《愛不起》的首映禮，由十九歲的英皇新人Mandy擔任女主角，而容祖兒、周英杰、何超儀及另一新人Yumiko則客串演出，並由陳奕迅擔任部份旁白。
Mandy在電影中將銀幕初吻獻給王傑，對此王傑說：「本來導演話咀一咀就得，後來又話要郁吓好睇啲，結果咀咗成分幾鐘，我冇乜接吻經驗㗎，拍嘅時候緊張到暈，我唔係怕醜，係怕咀得唔好。」
問王傑事前有否做準備工夫，他笑說：「我個口腔不嬲都清潔衞生，飲多啲水囉。」
至於Mandy則說：「拍戲都預咗要咀，尷尬一定有，我拍嗰陣個腦一片空白，只係諗住導演幾時叫cut，我怕人哋叫咗cut我重咀緊會好瘀。」