楊千嬅、趙頌茹、韓君婷和女子組合Cookies等，昨日出席在尖沙嘴美麗華酒店舉行的《滅罪精英顯聰勁》記者會，楊千嬅和有「翻版鄭秀文」之稱的趙頌茹亦應記者要求合照。
對於趙頌茹被冠以「翻版鄭秀文」，楊千嬅說：「都係驟眼睇似啫，你哋咁講畀人好大壓力，我當初入行都試過俾人話似鄭秀文，𠵱家大家又成日將我哋拉埋比較，不過話題嘅嘢，我自己就唔係咁執着。如果一日有楊千嬅接班人出現，我會覺得好榮幸。」
趙頌茹則說：「可以同千嬅合照，我開心到不得了，當然唔會尷尬。」
記者問趙頌茹的偶像是否鄭秀文，她說：「你哋要我講真話呀？」身邊的工作人員聽罷即時替她接話，說趙頌茹平日亦有聽鄭秀文的歌。